嚼嚼宜兴经典回顾第十期方言快板
张德宝弄老婆
表演/记录：徐建亚
我叫张得宝、家住宜兴东门外头菜花桥。
过去旧社会、人多田地少，
家里没不铜钱帮我弄女佬。
全亏东村的三婶婶、还有西村的三叔婆，
帮我寻到一个好女老。
格个女老实在好，螳螂屁股蜜蜂腰，
胭脂面粉一天都要搽好几稿，
高跟皮鞋脚上套，走一步还要绕几绕。
我一看不得了。我讲个、姆妈娘，
格种点个女老我勿要。
姆妈娘、老早就想孙子抱，
一听一气一蹦八尺高，寻根麻绳要上吊。
没办法、炮仗一放我就只会弄女老。
格个女老实在好，一天到夜只会困懒觉。
人家家里烟囱冒，我家格个好女老，
日里当只夜里样困觉。
菜勿买、饭勿烧，我只好拎只篮头就往街上跑。
东街跑、西街调，
辰光已勿早，青头小菜全卖了。
还算我的运气好，碰到一个卖鱼老，
拎只两条大白条，个个白条倒勿小，
称称看、二斤六两狂狂翘。
我放勒篮里就往家里跑。
治介治、烧介烧，
酱油麻油浇还浇，格个味道倒蛮好。
我家格个好女老，爬起身来一筷叉拉个大半条。
我讲个、你样个女老吃心倒勿小。
哪晓只，她回转身来就骂我杀千刀。
嘴勒讲，世上只有男老养女老，没不女老养男老。
老娘个两天身体不大好，还有只马桶要你倒。
个只马桶倒不小，七尺围圆八尺高，
拎又勿好拎，端又勿好端，
我只会、拦腰一夹就往门外跑。
格死人户楷实在高，我石拔达一个蛤爬跤，
棺材个东西翻到地下一督糟。
我没办法、锅铲铲、铜勺舀，
弄到田勒去垩稻，好垩三亩三分好糯稻，好糯稻。
点击阅读原文支持《嚼嚼宜兴》众筹徐建亚迪侃赞赏
转载请注明：http://www.yixingshizx.com/yxzx/8041.html
